Nonnen zu Besuch

Wo krieg ick de Süsters up us Veranstalten?

Vööl in’t Leven is bannig eenfach – Liddmaten van de Süsters van de nienich uphörend Levensfreid up en Veranstalten to kriegen höört daarto.: Een laadt se eenfach in! Eenfach en E-Mail an kapitel@nordschwestern.de stüren un denn word de Rest mit di besnackt.

Dat versteiht sük van sülvst, dat daar denn noch en paar Saken untoklamüstern sünd, de een futt in de Anfraag schrieven kann:

Um wat för en Veranstalten geiht dat un wat word van de Süsters verwacht?

Wi maken ja haast all: Thekendeenst, Inlaat-Scharmantjen, en lüttjen Show up jo Spööldeel, Moderationen of eenfach us Job: Freid verbreden, Safersex-Materialien verdelen un Spennen sammeln. De Details besnacken wi aver direkt mit di.

Över welcke Sett treckt sük de Veranstalten?

Mutten an de Oort Slaapsteden organiseert un mutt en langeder Henfahrt inplant worden? Wenn dat so is, is dat vannöden, dat ji us an de oort unnerbrengen köönt un de Fahrtkösten övernehmt, denn wi maken us Arbeid ehrenamtlich, investeren us Tied un Arbeidskraft. Denn is dat mooi, wenn wi nich ok de Kösten för Fahrt un dat Unnerbrengen dragen to mutten.

Wo vööl Ördensliddmaten bruken ji?

Us egen Regeln seggen, dat Azubis nienich ohn en vullordineert Süsters of en vullordineert Gardis manifesteren düren. Van daar mutten wi natürelk weten, wo vööln Liddmaten wi mitbrengen düren/könen, denn de Azubis sallen ja de Kans hebben, flink un vööl to lehren.

Wenn all dat klaar is, denn worden wi de Termin intern kunddoon un denn kieken wi, well Tied un Lüst hett. Uplest is dat also blot en Tiedfraag, of wi komen könen. Besünners in de CSD-Saison (Enn van Mai bit Anfang September) un an de Welt-Aids-Dag (1. Dezember) is dat seker wall immer leep stuur us up Veranstalten bovendem to kriegen, wiel wi denn even vööl unnerwegens sünd.

Well also frohtiedig plaant un anfraagt, hett de besten Kansen – wi komen generell geern!