Wi sünd een van vandaag söven aktiv düütschen Ördenshusen van de internationaal Gemeenskupp van de Süsters van de nienich uphörend Levensfreid, de stüttig wassen deit un siet de Grünnen 1979 in San Francisco mehr un mehr Ördensliddmaten vörbrengen deit, de Goods doon willen.

Överall up de Welt spören wi Süsters de Wunsk, us Gemeen un de hele Sellskupp to helpen, Utgrenzen to verhöden, Toleranz, Gewaltlosigheid un de Free to fördern so as tegen HIV un AIDS antogahn, mitdat wi us godig Hülp gewähren laten.

Dat willen wi sichtbaar, besünners un sogaar provozerend doon, denn wi denken, dat dat mennigmaal nödig is, to schockeren, um över Gewohnheiden natodenken un de to ännern. Aver wi maken dat immer mit en Ogenblinkern, denn wi sünd woll en Süsterörden, man tegen dat Weltliche hebben wi ok nix.

Wi gahn daarför daarhen, waar een us bruukt – snackt mit us, wennt jo mit Kummer un Sörgen vull Vertroen an us, wi sünd mit open Arms un Ohren vör Ort un hebben seker ok immer Tied för de en of anner Snack, Drank of Danz.

Mit Lücht, Leevde, Lüst un Latex

Jo Nördsüsters