Der Weg in den Orden
Wo kann ick överhoopt Süster of Gardist worden?
Dat is an sük heel eenfach Süster of Gardist bi de Süsters van de nienich uphörend Levensfreid to worden: Wenn du „de Roop“ verspören deist (of eenfacher seggt: Wenn du de Wunsk hest, wat Goods to doon, Freid to verbreden un en Bidrag tegen dat Utbreden van HIV un Aids to leisten), denn bewarv di eenfach.
Bi de Süsters van de nienich uphörend Levensfreid in de Tempel van de noordsk Freid word een Süster of Gardist, indem een en eenjahrig „Utbilden“ dörlopen deit, in de een all dat Nödige lehrt, wat een later in d’ dageliks Deenst as Süster of Gardist bruken deit. Disse Utbilden is in twee Stannen un en Bewarvenssett unnerdeelt, de smaals verscheden Örders hebben.
Hier en ruug Överblick:
Die Ausbildungsstufen
Um Süster of Gardist to worden, büst du eerst maal Gast van de Örden. In disse Tied nimmst du, wenn mögelk, an en paar van us intern Sitten (Liddmatenversammeln of Tutorien, us Veranstalten för de Utbilden) deel un geihst mit us up Manifestationen. So hest du de Kans us kennen to lehren un dör Beogen van us Aart un Wies to arbeiden to entscheden, of du wahrachtig in de Örden upnohmen worden wullt.
In disse Utbildensstann büst du man blot still Tokieker.
Na de Beföddern in’t Postulat dör de Meesterske van’t Noviziat büst du Liddmaat van de Örden, in de Utbilden upnohmen un Bewarver up de Vereensliddmaatskupp. Ok hier nimmst du an uns intern Sitten deel un büst up Manifestationen nu en Hülp för de anner Liddmaten, indem du hör de Körv mit Kondomen draggst un Kondome etc. verdeelst.
Du lehrst dör Tokieken un -arbeiden un unnerliggst en bestimmt Swieglöfde.
Du kannst in disse Utbildensstann so vööl lehren, wat du denn later sülvst anwennen dürst, wenn du van de Avendvesper in’t Noviziat beföddert worden büst.
Nu büst du Vereensliddmaat. In disse lest Utbildensstann kannst du wiesen, wat du all al lehrt hest, denn hier dürst du tegen all dat, wat du vördem al doon hest, nu ok in dat Biwesen van en Süster of en Gardist hör Arbeid doon.
Disse Utbildensstann word dör en Projekt ofsloten, indem du bewiest, dat du en Manifestation sülvst planen, organiseren, dörföhren un utwerten kannst. Daarbi stahn di de anner Ördensliddmaten natürelk godig mit Stöhn an de Siet.
Na dat erfolgriek Projekt kannst du denn en Andrag up en Beföddern to Süster of Gardist stellen un wenn de Avendvesper tostimmen deit, worst du to Süster of Gardist weiht un leggst dien Profess of.
Hest du also Interess Süster of Gardist to worden?
Hest du also InteressSüster of Gardist to worden? Denn kontakteer us Vörstand, indem du en E-Mail an kapitel@nordschwestern.de stüürst un de Meesterske van’t Noviziat word sük denn mit di verbinnen. Hör kannst du ok all de anner Details fraagen.
En standartiseert Bewarvensformular gifft dat butendeem nich, denn de Bewarben sall so individuell un kreativ utfallen as du dat ok büst! Un wi freien us immer, wenn sük Bewarvers*kes besünners vööl Gedanken daarbi maakt hebben.
Wi freien us up di!
Wenn du de good Saak, de wi doon, Stütt un Stöhn geven wullt, aver kien Tied of Lüst up disse Utbilden hest, kannst du natürelk ok Födderliddmaat worden un so de Arbeid finanziell stütten. Dör us Födderliddmaten köönt wi to’n Bispill bestimmt, düürder Safer-Sex-Materialien as dental dams of Kondome in Sünnergrötten kopen. En Andrag to en Födderliddmaatskupp finnst du hier.